-
Sagnalist býður upp á fjölbreytta þjónustu í tengslum við skráningu og miðlun á menningarlegum og sögutengdum viðfangsefnum í samstarfi við Grenndargralið og Teiknistofu Norðurlands. Til viðbótar við frásagnir einstaklinga sinnir Sagnalist textagerð og framsetningu fyrir prent- og vefmiðla, söguskilti, bækur og hlaðvörp svo eitthvað sé nefnt.
-
Lumar þú á góðum sögum sem þú vilt koma á framfæri við almenning á síðum dagblaðanna, í tímaritum eða á vefmiðlum en veist ekki hvernig þú átt að bera þig að?
-
Við aðstoðum lítt reynda sagnaritara við að koma hugmyndum á blað, vinna með þær og birta á opinberum vettvangi eða gerum þetta allt fyrir þig.
-
Starfsfólk Sagnalistar hefur um langt árabil komið að skrifum ýmiskonar fyrir prent- og vefmiðla. Hér má sjá sýnishorn af greinum úr ranni Sagnalistar í gegnum tíðina.
-
Er á döfinni að koma upp söguskilti til að mæta þörfum ferðaþjónustunnar eða einfaldlega tryggja varðveislu söguarfs, íbúum og gestum til yndis og ánægjuauka?
-
Við skráum texta og hönnum útlit svo útkoman verður vandaður minnisvarði um liðna tíð í heimabyggð.
-
Starfsfólk Sagnalistar veitir ráðgjöf og þjónustu við gerð söguskilta í samvinnu við Teiknistofu Norðurlands. Hér má sjá sýnishorn af söguskiltum úr ranni Sagnalistar.
-
Ertu með stórtækari hugmyndir en svo að Lúxuspakkinn dugi? Við tökum að okkur umfangsmeiri verkefni við skráningar á sögum en pakkarnir þrír bjóða upp á.
-
Við skráum jafnt ævisögur sem sögulega atburði með bókaútgáfu í huga fyrir þá sem gera kröfu um aukinn orðafjölda, fleiri myndir og fjölbreyttara umbrot.
-
Starfsfólk Sagnalistar hefur reynslu af heimildaöflun, skráningu, markaðssetningu og sölu þegar kemur að bókaútgáfu. Hér má sjá sýnishorn af bókum úr ranni Sagnalistar.
