Jólaþáttur Sagnalistar

Sagnalist er í sannkölluðu hátíðarskapi. Addi og Binni rifja upp jólahald á Akureyri í 160 ár. Þeir félagar drepa niður fæti í bænum og velja til þess nokkur tímamótaár í sögu bæjarins. Sögur af fólki, kirkjum, sálmum og sönnum jólaanda færa hlustendur á slóðir genginna kynslóða í höfuðstað Norðurlands á hátíð ljóss og friðar. Allsnægtir og nægjusemi með vott af náungakærleik í sérstökum jólaþætti af Sagnalist með Adda og Binna.

Hlaðvarpsþátturinn Sagnalist með Adda og Binna er tekinn upp á slóðum landnámsmanna í Stúdíó Sagnalist. Arnar og Brynjar eru á heimilislegum nótum í Kristnesi þar sem þeir spjalla um gengnar kynslóðir og gleymda atburði yfir kaffibolla. Sannar og lognar sögur af aðli og almúga með Adda og Binna í hlaðvarpi Sagnalistar.

https://open.spotify.com/episode/60eKSy5rXtbpdYl8CozPHV?si=6dc86944d2884a41