Landmælingamenn, verndari og hæstráðandi, stjörnuathugunarstöð, pistólur og höggsverð. Þetta eru aðeins fáein dæmi um sögusvið og persónur sem Addi og Binni taka til umfjöllunar í sögu vikunnar. Árið 1809 var sannarlega viðburðaríkt á Akureyri í skugga styrjaldar í Evrópu og harðinda á Íslandi.
Hlaðvarpsþátturinn Sagnalist með Adda og Binna er tekinn upp á slóðum landnámsmanna í Stúdíó Sagnalist. Arnar og Brynjar eru á heimilislegum nótum í Kristnesi þar sem þeir spjalla um gengnar kynslóðir og gleymda atburði yfir kaffibolla. Sannar og lognar sögur af aðli og almúga með Adda og Binna í hlaðvarpi Sagnalistar.